श्रृती सडोलीकर-काटकर यांना पहिला “करवीर तारा” पुरस्कार घोषित ; सोमवारी पुरस्काराचे वितरण

कोल्हापूर : राज्य शासनाने राज्याचा उपक्रम म्हणून कोल्हापूर शाही दसरा साजरा करण्याचे ठरविले आहे. या महोत्सवात कोल्हापूरातील आंतरराष्ट्रीय तसेच राष्ट्रीयस्तरावर उत्तुंग कामगिरी केलेल्या महिलेला सन्मानित करण्यासाठी “करवीर तारा” हा पुरस्कार या वर्षीपासून सुरु केला आहे. हा पुरस्कार 2023 सालासाठी संगीत क्षेत्रातील जेष्ठ विदुषी श्रृती सडोलीकर-काटकर यांना देण्यात येणार असल्याची घोषणा पुरस्कार समितीचे अध्यक्ष पालकमंत्री हसन मुश्रीफ यांनी केली आहे. या पुरस्काराचे हे पहिले वर्ष आहे.

कोल्हापूर ही छत्रपती महाराणी ताराराणींच्या कर्तृत्वाने पावन झालेली भूमी आहे. तसेच श्री महालक्ष्मी- अंबाबाई देवीच्या या भूमीला अनन्य साधारण असे महत्व आहे. कोल्हापूरातील विविध क्षेत्रातील अनेक महिलांच्या कर्तृत्वामुळे त्यांचा परिचय देशाला आला आहे. त्यामुळे कोल्हापूरच्या वैभवात भर पडली आहे. आंतरराष्ट्रीय, राष्ट्रीय पातळीवर उत्तुंग कामगिरी केलेल्या कोल्हापूरच्या एका महिलेला प्रत्येक वर्षी शाही दसऱ्याच्या कार्यक्रमादरम्यान सन्मानित करण्यासाठी हा पुरस्कार जिल्हाधिकारी कार्यालयाच्यावतीने देण्यात येणार असून त्याच्याकरीता समिती मध्ये पालकमंत्री, कोल्हापूर (अध्यक्ष), जिल्हाधिकारी कोल्हापूर, कुलगुरु शिवाजी विद्यापीठ कोल्हापूर, आयुक्त कोल्हापूर महानगरपालिका, मुख्य कार्यकारी अधिकारी जिल्हा परिषद कोल्हापूर, जिल्हा पोलीस अधीक्षक कोल्हापूर हे पदसिध्द सदस्य असून उद्योग व व्यवसाय, सामाजिक, क्रिडा, शिक्षण आणि साहित्य-कला-संगीत या क्षेत्रातील प्रत्येकी एक कोल्हापूरमधील प्रथितयश व्यक्ती व एक निवृत्त वरीष्ठ शासकीय अधिकारी हे अशासकीय सदस्य ठरविण्यात आले आहेत.

पुरस्काराचे वितरण दिनांक 23 ऑक्टोबर रोजी सायंकाळी 6 वाजता केशवराव भोसले नाटयगृहात येथे करण्यात येणार आहे. या कार्यक्रमासाठी अध्यक्ष श्रीमंत छत्रपती शाहू महाराज व प्रमुख पाहुणे पालकमंत्री हसन मुश्रीफ असतील आणि जेष्ठ चित्रकार श्रीमती विजयमाला मेस्त्री यांच्या उपस्थितीत श्रृती सडोलीकर-काटकर यांना सन्मानचिन्ह, शाल व श्रीफळ याव्दारे गौरविण्यात येणार आहे.

• श्रृती सडोलीकर-काटकर यांचा परिचय श्रृती सडोलीकर-काटकर यांचा कोल्हापूर मध्ये जन्म, शालेय शिक्षण, सांगितिक क्षेत्रातील कारकिर्द सुरु झाली.
  हिंदुस्थानी शास्त्रीय संगीतातील जयपूर- अत्रौल घराण्याचे प्रसिद्ध सूत्रधार असलेले त्यांचे वडील आणि गुरू पं. वामनराव सडोलीकर (भारतीय शास्त्रीय संगीताच्या जयपूर-अत्रौली घराण्याचे प्रणेते उस्ताद भुर्जी खाँ आणि उस्ताद अल्लादिया खान यांचे शिष्य) व उस्ताद गुल्लूभाई जसदनवाला (उस्ताद मंजी खाँ आणि उस्ताद अल्लादिया खान यांचे प्रख्यात शिष्य) आणि उस्ताद अल्लादिया खान यांचे नातू उस्ताद अजीजुद्दीन खान यांच्याकडून शिकण्याचे सौभाग्यही त्यांना लाभले. हवेली संगीतावरील संशोधनादरम्यान श्रुतीजींना प.पू. श्री पराग बाबा यांचे मार्गदर्शन लाभले.

श्रुती मुंबई विद्यापीठातून भाषांमध्ये पदवीधर, अखिल भारतीय गांधर्व महाविद्यालय मंडळाच्या ‘संगीत विशारद’ आहेत. त्यांनी S.N.D.T.मधून एमए (संगीत) पदवी संपादन केली आहे. महिला विद्यापीठ, मुंबई S.N.D.T.च्या महिला विद्यापीठाच्या सुवर्णमहोत्सवी वर्षानिमित्त त्यांना प्रख्यात माजी विद्यार्थी पुरस्काराने सन्मानित करण्यात आले.
श्रुती ‘भुलाबल मेमोरियल इन्स्टिट्यूट स्कॉलरशिप’ आणि ‘सुरश्री केसरबाई केरकर स्कॉलरशिप,’ N.CP.A., मुंबईच्या प्राप्तकर्त्या होत्या. श्रुतीजींना “होमी भाभा फेलोशिप, N.C.P.A., मुंबई,” षण्मुखानंद संगीत सभा, मुंबई तर्फे ‘षण्मुख संगीत शिरोमणी’ पुरस्काराने देखील सन्मानित करण्यात आले आहे. संगीत नाटक अकादमी, नवी दिल्लीचा पुरस्कार, “आयकॉन्स ऑफ महाराष्ट्र’, मुंबई. स्वरयोगिनी प्रभा अत्रे पुरस्कार;, रोटरी क्लब ऑफ तर्फे शिक्षण क्षेत्रातील योगदानाबद्दल सर्वपल्ली राधाकृष्णन पुरस्कार देखील प्राप्त झाला आहे.

लखनौ, येथील “ज्वेल्स्ाु ऑफ रुईया” पुरस्कार, रामनारायण रुईया कॉलेज आणि नुकताच मल्लिकार्जुन मन्सूर राष्ट्रीय पुरस्कार, धारवाड; संगीत मंच पुरस्कार संशोधनासाठी, मुंबई; बडे गुलाम अली खान रंगभारती सन्मान, लखनौ ; प्रदान करण्यात आला आहे.
शिक्षणातील सर्वोच्च योगदानासाठी ICN आंतरराष्ट्रीय पुरस्कार, लखनौ, 2020; आणि ‘गुरुगंधर्व’ गुरुराव देशपांडे राष्ट्रीय पुरस्कार, बेंगळुरू, 2020 याच्याही त्या मानकरी ठरल्या.

श्रुती जगभरातील एक सर्वाधिक मागणी असलेली मैफिली कलाकार आहेत. श्रुती यांनी निर्मिती केलेली अनेक कॅसेट, सीडी आणि एलपी आहेत. त्यांची शैक्षणिक सीडी, द राग गाइड’ची निर्मिती आणि विक्री निंबस रेकॉर्ड्स, यूके यांनी केली होती. श्रुतीजींनी यू.एस.ए., यू.के., कॅनडा, हॉलंड, फ्रान्स, जर्मनी, स्वित्झर्लंड, कुवेत, दुबई, मस्कत, मॉरिशस आणि ऑस्ट्रेलिया येथे व्याख्यान-प्रात्यक्षिकेही दिली आहेत. त्यांच्या काही उल्लेखनीय कामगिरींमध्ये दरबार महोत्सव, यूके, आंतरराष्ट्रीय भक्ती संगीत महोत्सव, यूके, पॅरिस, फ्रान्समधील थिएटर डे ला विले, एडिनबर्ग संगीत महोत्सव आणि बोलशोई थिएटर, मॉस्को यांचा समावेश आहे.
NOA PERFUME, Paris द्वारे प्रसिद्ध आणि विपणन केलेल्या CD, GIFTED WOMEN OF THE WORLD साठी जगभरातील 9 महिला गायकांपैकी एक सर्वात उल्लेखनीय आवाज म्हणून त्यांचा आवाज निवडला गेला.

श्रुती रॉटरडॅम कॉन्झर्व्हटोरियम, हॉलंड येथे व्हिजिटिंग प्रोफेसर आहेत. त्या I.T.C मध्ये व्हिजिटिंग गुरू आहे. संगीत संशोधन अकादमी, कोलकाता आणि संगीत पदव्युत्तर विभाग, S.N.D.T. महिला विद्यापीठ, मुंबई. मध्ये त्या प्रोफेसर होत्या.

श्रुतीनी 2009 ते 2020 या कालावधीत भातखंडे संगीत संस्था (अभिमत विद्यापीठ) लखनौचे कुलगुरू म्हणून काम केले आहे.तरी सर्वांनी अशा महान व्यक्तीच्या गौरव सोहळयास आवर्जून उपस्थित राहावे असे आवाहन जिल्हा प्रशासनातर्फे करण्यात येत आहे.