मुंबई : शिवसेनेच्या वर्धापनदिनी षण्मुखानंद हॉलमध्ये आपल्या नेहमीच्या शैलीत उद्धव ठाकरे यांनी पंतप्रधान नरेंद्र मोदी यांच्यापासून देवेंद्र फडणवीस यांच्यापर्यंत सगळ्यांवर टीका केली.पण त्याच वेळी ज्याला जायचे त्यांनी तिकडे जा, असे सांगून बाहेरच्या दरवाजाकडे बोट दाखवले.
इकडे निष्ठावंतांची गर्दी आहे आणि तिकडे एकनाथ शिंदे यांच्या शिवसेनेत गारदी जमले आहेत. इथे बसलेले सगळेच उद्धव ठाकरे आहेत. शिवसेनाप्रमुखांनी निष्ठेचे, स्वाभिमानाचा बियाणं पेरले आहे. पण जे बिकाऊ आहेत, त्यांनी जरूर जावे. ज्यांना जायचे त्यांनी जावे, अशा शब्दांत उद्धव ठाकरे यांनी शिवसैनिकांना स्वतःच्या शिवसेनेतून एकनाथ शिंदे यांच्या शिवसेनेत जायला दरवाजा मोकळा करून दिला.
