आहारात प्रोटीन्सचं प्रमाण वाढवण्यासाठी तुम्हाला नॉनव्हेज पदार्थ खाण्याची काहीच गरज नाही. मोजक्या शाकाहारी पदार्थांचा आहारात समावेश करून तुम्ही शरीरातील प्रोटिन्सची कमतरता पूर्ण करू शकता.
ब्रोकोली हे एक सुपरफूड आहे. यात प्रत्येक आवश्यक पोषक तत्वांचा समावेश आहे. 100 ग्रॅम ब्रोकोलीमध्ये सुमारे 2.8 ग्रॅम प्रथिने असतात, जे निरोगी आहाराची योजना आखत असलेल्यांसाठी हा एक चांगला पर्याय बनवतात.
मशरूम ही सर्वात चवदार शाकाहारी गोष्टींपैकी एक आहे जी तुम्हाला कुठेही मिळू शकते. हे स्वादिष्ट असण्यासोबतच हेल्दी देखील आहे. एक कप मशरूममध्ये सुमारे तीन ग्रॅम प्रथिने असतात
ब्रोकोलीप्रमाणेच, व्हेज प्रोटीन शोधणाऱ्यांसाठी फुलकोबी हा उत्तम पर्याय आहे. 100 ग्रॅम फुलकोबीमध्ये जवळपास दोन ग्रॅम प्रथिने असतात.
मटार व्हेज प्रोटीन्सचा सर्वात उत्तम स्त्रोत आहेत. १०० ग्राम मटारमध्ये जवळपास ५ग्राम प्रोटीन असते. मूठभर मटारमध्ये ५ ग्राम प्रोटीन असते. तुम्ही उकळलेले मटार खाऊ शकता किंवा भाजीतही खाऊ शकता.
पालक पोषक तत्वांनी परीपूर्ण असते. पालकाला सुपरफूड मानले जाते. एक कप शिजवलेल्या पालकात जवळपास ५.३ ग्राम प्रोटीन्स असतात. पालकाचं सूप बनवणं खूपच सोपं आहे. प्रोटीन्स व्यतिरिक्त यात आयर्न आणि कॅल्शियमसुद्धा असते.
