रायगड: छत्रपती शिवाजी महाराजांचा आज तिथीनुसार 350 वा शिवराज्याभिषेक सोहळा किल्ले रायगडावर पार पडत आहे.
राज्य सरकारकडून या सोहळ्याची जंगी तयारी करण्यात आली आहे. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि मनसे अध्यक्ष राज ठाकरे आजच्या सोहळ्याचे प्रमुख पाहुणे आहेत. पहाटे किल्ले रायगडावरील राज सदरेत छत्रपती शिवाजी महाराजांच्या मूर्तीची विधीवत पूजा करण्यात आली आहे. सकाळी 9 वाजता शिवराज्याभिषेक सोहळ्यास सुरुवात झाली. रायगडावर मोठ्या उत्साहात महाराजांचा शिवराज्यभिषेक दिन सोहळा साजरा केला जात आहे.
