कोल्हापूर : आंतरराष्ट्रीय महिला दिनानिमित्त महिला आर्थिक विकास महामंडळ(माविम) व राष्ट्रीय कृषी व ग्रामीण विकास बँक यांच्या संयुक्त विद्यमाने नव तेजस्विनी -महाराष्ट्र ग्रामीण उद्यम विकास प्रकल्पांतर्गत बचत गटाच्या उत्पादनांचे १७ ते १९ मार्च २०२३ या कालावधीत सकाळी ९ ते रात्री ९ या वेळेत दसरा चौक मैदान, कोल्हापूर येथे प्रदर्शन व विक्री होणार आहे.
प्रदर्शनाचे उद्घाटन जिल्हाधिकारी राहुल रेखावार यांच्या हस्ते होणार असून जिल्हा परिषदेचे मुख्य कार्यकारी अधिकारी संजयसिह चव्हाण प्रमुख उपस्थित राहणार आहेत.
तसेच कार्यक्रमास प्रमुख पाहुणे म्हणून नाबार्डचे जिल्हाविकासअधिकारीआशुतोष जाधव,विभागीय कृषी व पणन विभागाचे विभागीय सरव्यवस्थापक डॉ सुभाष घुले, बँक ऑफ इंडियाचे जिल्हा अग्रणीव्यवस्थापक गणेश गोडसे, जिल्हा ग्रामीण यंत्रणेच्या प्रकल्प संचालक सुषमा देसाई, जिल्हा अधीक्षक कृषीअधिकारी जालिंदर पांगरे यांच्या उपस्थितीत कार्यक्रम होणार आहे.
राष्ट्रीय कृषी व ग्रामीण विकास बँक (नाबार्ड ) यांच्या सयुंक्त विद्यमाने हे प्रदर्शन घेण्यात येत आहे. महिलाआर्थिक विकास महामंडळ (माविम) कोल्हापूर अंतर्गत स्थापित बचत गटातील महिलांनी उत्पादित केलेल्यामालाला व वस्तूंना बाजारपेठ उपलब्ध व्हावी तसेच सन २०२३ हे आर्थिक वर्ष “आंतरराष्ट्रीय पौष्टिक तृणधान्यवर्षाच्या अनुषंगाने हे प्रदर्शन भरविण्यात येणार आहे. यामध्ये नाबार्ड मार्फत सांगली, सातारा व रत्नागिरी तसेचनाबार्ड अंतर्गत कार्यरत असलेल्या अशासकीय संस्थेच्या बचत गटातील महिलांचे स्टाँल असतील.
बचत गटातील महिलांनी तयार केलेल्या वस्तुंची माहिती विविध जाहिरातीच्या माध्यमातूनजनसामान्यांपर्यंत पोहचविणे, ज्यामुळे जास्तीत जास्त लोक प्रदर्शनस्थळी भेट देतील व बचत गटातील महिलांनीतयार केलेल्या मालाची व वस्तूंची विक्री होण्यास मदत होईल,प्रदर्शनामध्ये माविम, नाबार्ड स्थापित, जिल्हा ग्रामीण यंत्रणा, DAY -NULM कोल्हापूरमहानगरपालिका अशा एकूण १०० बचत गटांचे स्टाँल लावण्यात येणार आहेत. बचत गटातील महिलांनी तयारकेलेल्या विविध वस्तू तसेच खाद्यपदार्थ यांचा समावेश असेल. यामध्ये कोल्हापुरी मसाले, कोल्हापुरी चप्पल,विविध प्रकारचे तांदूळ, पापड, लोणचे, मातीची नक्षीदार भांडी, बांबूच्या विविध वस्तू, गारमेंट, तृणधान्य महत्वसर्वसामान्य पर्यंत पोहचावे याकरिता ज्वारी, बाजरी, नाचणी, नाचणी युक्त पदार्थ,राजगिरा याचे स्वतंत्र स्टाँललावण्यात येणार आहेत तसेच विविध प्रकारचे खाद्यपदार्थ तयार करुन विक्रीकरिता ठेवण्यात आले आहेत.
बचत गटातील महिलांनी तयार केलेल्या वस्तूंच्या विक्री प्रदर्शनास जास्तीत जास्त लोकांनी भेट द्यावी,असे आवाहन महिला आर्थिक विकास महामंडळाचे जिल्हा समन्वय अधिकारी तसेच राष्ट्रीय कृषी व ग्रामीणविकास बँक (नाबार्ड)चे जिल्हा विकास अधिकाऱ्यांनी केले आहे.
