कोल्हापूर : स्टेट बँक ऑफ, इंडियाच्या सामाजिक कृतज्ञता निधीतून अलिमको मार्फत आणि जिल्हा दिव्यांग पुनर्वसन केंद्र, जिल्हा समाज कल्याण विभाग, जिल्हा परिषद, कोल्हापूर यांच्या सहकार्याने जिल्ह्यातील ४४८ दिव्यांगांना सहाय्यक उपकरणांचे वितरण मंत्री प्रकाश आबिटकर यांच्या तसेच प्रमुख मान्यवरांच्या उपस्थितीत करण्यात आले.
यावेळी दिव्यांगांची ओळख ठरणारे वैश्विक कार्ड तालुका पातळीवर वैद्यकीय तपासणी करून देण्याची घोषणा केली. दिव्यांगांच्या नशिबात शरीराने दिव्यांगता आली असली तरी त्यांच्यातील वेगवेगळ्या कला व गुण हेच त्यांचे वरदान आहेत. त्यांच्या उन्नतीसाठी जिल्हा परिषद व जिल्हा दिव्यांग पुनर्वसन केंद्राने मनापासून कार्यरत राहावे. यासाठी मी कायम त्यांच्या पाठीशी ठामपणे उभा आहे.असे आबिटकर म्हणाले
समारंभाला जिल्हा परिषदेचे मुख्य कार्यकारी अधिकारी कार्तिकेयन एस., अप्पर जिल्हाधिकारी संजय शिंदे, स्टेट बँक ऑफ इंडिया यांच्या सुजाता इंदुलकर व मुख्य व्यवस्थापक मंदार पुनाळकर, जिल्हा दिव्यांग पुनर्वसन केंद्राचे प्रकल्प संचालक अमेय जोशी, जिल्हा समाज कल्याण अधिकारी (जि.प.) संभाजी पोवार, अतुल जोशी यांच्यासह प्रमुख मान्यवर व दिव्यांग बांधव उपस्थित होते.
