कोल्हापूर: स्नेह मेळाव्याद्वारे, राहुल प्रकाश आवाडे यांच्या उमेदवारीला दृढ समर्थन दिले गेले आणि त्यांच्या नेतृत्वाखाली इचलकरंजीतील सर्वांगीण विकासाच्या दिशेने महत्त्वाचे पाऊल टाकले जाण्याची अपेक्षा व्यक्त केली. उपस्थित समाज बांधवांनी राहुल आवाडे यांचे कार्य आणि त्यांच्या विकासविषयक दृष्टिकोनाची प्रशंसा केली. स्नेह मेळाव्याच्या प्रमुख उपस्थितांनी ब्राह्मण समाजाच्या इतिहासातील योगदान आणि इचलकरंजीच्या प्रगतीमध्ये समाजाचा महत्त्वपूर्ण भाग असल्याचे सांगितले. मेळाव्याने समाजाची एकजूट आणि राहुल प्रकाश आवाडे यांच्या उमेदवारीसाठी उत्साह वाढवला.
यावेळी ब्राह्मण सभा अध्यक्ष बंडोपंत जोशी, वेद पाठशाळेचे अध्यक्ष मनोज निगुडकर, विश्वस्त दिगंबर कुलकर्णी शैलेश गोरे, सेक्रेटरी संजय मैंदर्गी, युवा अध्यक्ष कल्पेश दंडगे, स्वानंद फडणीस, रमा फाटक, किशोरी दंडगे यांच्यासह ब्राम्हण समाजाचे प्रमुख पदाधिकारी, कार्यकर्ते, नागरिक व महिला उपस्थित होत.
