कोल्हापूर:शिंगणापूर जिल्हा परिषद कार्यक्षेत्र व खुपिरे पंचायत समिती कार्यक्षेत्रामधील चंद्रदीप नरके यांचा कार्यकर्ता मेळावा, विठाई चंद्राई हॉल येथे संपन्न झाला. यावेळी नरके यांना सर्व कार्यकर्त्यांमध्ये मोठ्या प्रमाणात उत्साह पाहायला मिळाला.
आज अनेक पक्षप्रवेश देखील या मेळाव्या दरम्यान झाले. टीका टिप्पणीपासून दूर राहून, मी आमदार असताना केलेली शेकडो कोटींची कामे आणि आता आमदार नसताना केलेली कोट्यावधींची कामे, ही कामेच आपल्याला लोकांसमोर घेऊन जायचे आहे. असे प प्रतिपादन चंद्रदीप नरके यांनी केले.
आपण केलेल्या विकास कामांच्या जोरावरच, प्रचार करून आपल्याला ही निवडणूक जिंकायची आहे, असे कार्यकर्त्यांना चंद्रदीप नरके यांनी मार्गदर्शन केले.
यावेळी शिंगणापूर जिल्हा परिषद मतदार संघ कार्यक्षेत्र व खुपिरे पंचायत समिती कार्यक्षेत्रातील शिवसेनेचे पदाधिकारी, विविध स्थानिक स्वराज्य संस्थांचे आजी-माजी सदस्य, विविध सहकारी संस्थांचे पदाधिकारी, महिला वर्ग, प्रिंट व इलेक्ट्रॉनिक मीडियाचे पत्रकार बांधव आणि कार्यकर्ते मोठ्या संख्येने उपस्थित होते.
