कोल्हापूर: उदगांव गावचे माजी सरपंच,जयसिंगपूर कृषी उत्पन्न समितीचे माजी सदस्य,उदगांव पूरग्रस्त हाऊसिंग सोसायटीचे चेअरमन पांडुरंग चंदुरे यांनी आपल्या सहकारी समर्थकांसह राजेंद्र पाटील यड्रावकर यांची भेट घेऊन राजर्षी शाहू विकास आघाडी पक्ष व यड्रावकर गटासोबत काम करणार असल्याचे जाहीर केले,यावेळी चंदूरे आणि त्यांच्या समर्थकांचे स्वागत करताना यड्रावकर म्हणाले, शिरोळ तालुका म्हणजे एक परिवार मानून आपण सगळ्यांना सोबत घेऊन हातात हात घालून काम करू असे सांगितले व पाठिंबा दिल्याबद्दल आभार मानले.
यावेळी बोलताना पांडुरंग चंदुरे म्हणाले, 1920 साली माणगांव येथे झालेल्या परिषदेमध्ये लोकराजा राजर्षी शाहू महाराज यांनी विश्वरत्न डॉ.बाबासाहेब आंबेडकर यांच्या बद्दल बोलताना डॉ.बाबासाहेब आंबेडकर हेच तुमचा उद्धार करतील आणि ते भविष्यात भारत देशाचे मोठे पुढारी होतील असे दूरदृष्टीचे गौरवोदगार काढले होते,आमदार यड्रावकर यांनी राजर्षी शाहू महाराजांच्या नावाने पक्षाची नोंदणी केली असल्यामुळे आम्ही आमदार यड्रावकरांच्या पाठीशी राहण्याचा निर्णय घेतला असल्याचे सांगितले.
यावेळी जयसिंगपूरचे माजी नगराध्यक्ष संभाजी मोरे,उदगांव सहकारी पाणीपुरवठा संस्थेचे संचालक बाबासो कांबळे,कुमार जाधव,बाळू कांबळे,उत्तम कांबळे,पोपट कांबळे,शिवाजी कांबळे,बाळासो कांबळे,सिद्धार्थ सासणे,मिलिंद कांबळे,सनी सासणे यांच्यासह मान्यवर उपस्थित होते.
