कोल्हापुर: इचलकरंजी येथील गावभाग महादेव मंदिर येथे आमदार प्रकाशअण्णा आवाडे यांच्यासह राहुल आवाडे यांनी नागरिकांशी संवाद साधला.
‘चाय पे चर्चा’ या उपक्रमाच्या माध्यमातून राहुल आवाडे यांनी नागरिकांच्या समस्या, अपेक्षा आणि भावना जाणून घेण्याचा प्रयत्न केला. या चर्चेतून नव्या दृष्टिकोनासह समस्यांच्या सोडवणुकीसाठी प्रभावी उपाय शोधण्याची प्रेरणा मिळाली .नागरिकांशी संवाद साधताना केवळ शिकण्याची संधी मिळाली नाही तर समाजाच्या गरजा आणि अपेक्षांची अधिक स्पष्ट समज ही निर्माण झाली आणि उद्दिष्ट साध्य करण्याची नवीन ऊर्जा मिळाली अशा भावना राहुल आवाडे यांनी व्यक्त केल्या.
उज्वल भविष्यासाठी आम्ही सातत्याने कार्यरत राहू असा विश्वास राहुल आवाडे यांनी व्यक्त केला
यावेळी ताराराणी पक्षाचे अध्यक्ष प्रकाश दत्तवाडे यांच्यासह सर्व प्रमुख पदाधिकारी व गावभाग परिसरातील ज्येष्ठ नागरिक व युवक उपस्थित होते.
