कुंभोज (विनोद शिंगे)
रुकडी गावाचे सुपुत्र सामाजिक शैक्षणिक, सांस्कृतिक व राजकीय क्षेत्रात नेहमीच अग्रेसर असणारे सुनील मारुती भारमल यांना गोवा इथे पार पडलेल्या डॉ सुरेश राठोड फौंडेशन व डॉ सुशील अग्रवाल फौंडेशन याच्या संयुक्त विद्यमानाने आयोजित कर्तृत्वान व्यक्तीचा राष्ट्रीय पुरस्कार 2024 ह्या कार्यक्रमात मानाचा “समाजरत्न पुरस्कार 2024” हा पुरुस्कार प्रदान करण्यात आला . डॉ. सुशील अग्रवाल व डॉ सुरेश राठोड ह्याच्या सदानंद सदांशिव, सहाय्यक-कमानंट (Dy.Sp.), राज्य राखीव पोलीस दल, कोल्हापूर यांच्या हस्ते देऊन त्यांना गौरविण्यात आले.
परिणामी सुनील भारमल यांना आजपर्यंत महाराष्ट्र भूषण तसेच अनेक पुरस्काराने गौरव करण्यात आला असून, त्यांची सामाजिक राजकीय शैक्षणिक कार्य उल्लेखनीय असल्यामुळे त्यांच्या कार्याची दखल घेऊन त्यांना अनेक संस्थांच्या वतीने वेगवेगळे पुरस्कार प्रदान करण्यात आले आहेत. त्यांच्या या पुरस्कारामुळे रूकडी गावच्या शिरपेच्या पुन्हा एकदा मानाचा तुरा रोवला गेला असून त्यांना पुरस्कार प्राप्त झालेल्या रुकडी सह परिसरातील अनेक सामाजिक संस्था विविध तरुण मंडळ राजकीय सामाजिक क्षेत्रातील मान्यवरांच्या वतीने त्यांचा सत्कार केला जात आहे.
