कोल्हापूर: महाराष्ट्र चेंबर ऑफ कॉमर्स च्या पुढाकाराने व्यापारी समितीने उद्या मंगळवारी महाराष्ट्र व्यापार बंद चे आव्हान केले आहे . या व्यापारांच्या विविध मागण्यासाठी हा बंद पुकारण्यात येणार आहे. या पार्श्वभूमीवर मुख्यमंत्री एकनाथ शिंदे यांनी चेंबर ऑफ कॉमर्स अँड इंडस्ट्री चे अध्यक्ष ललित गांधी यांच्याशी संपर्क साधला.
व्यापाऱ्यांच्या मागण्याबाबत सकारात्मक असल्याची ग्वाही त्यानी दिली.हा बंद पुकारला तर राज्यातील बाजारपेठा ,मार्केट यार्ड बंद राहणार याचा परिणाम दैनंदिन सेवेवर होणार आहे. त्यामुळे राज्य सरकारने व्यापारी प्रतिनिधीशी चर्चा करण्यास सुरुवात केली आहे. उपमुख्यमंत्री देवेंद्र फडणवीस यांच्या अध्यक्षतेखाली व्यापारांची उच्चस्तरीय बैठक सुरू आहे, ही बैठक संपल्यानंतर कृती समितीचे पदाधिकारी एकत्रितपणे चर्चा करून उद्याच्या बंद बाबतची पुढील धोरण जाहीर करतील असे ललित गांधी यांनी सांगितले.
