कोल्हापूर : हसुरवाडी येथील संत गजानन महाराज फार्मसी कॉलेजकडे जाणार्या एसटीने जोरदार धडक दिल्याने दुचाकी वरील संजना हुदली( रा. भडगाव ता. गडहिंग्लज) ही विद्यार्थिनी ठार झाली ,तर तिचे वडील गंभीर जखमी झाले.
याबाबत अधिक माहिती अशी की, संजना ही हसुरवाडी येथील संत गजानन महाराज फार्मसी कॉलेज मध्ये शिक्षण घेत होती, तर तिचे वडील याच कॉलेजमध्ये सुरक्षा रक्षक म्हणून कार्यरत आहेत, दुचाकीवरून कॉलेजला जात असताना गडहिंग्लज ते हसूरवाडी मार्गावरील वळणावर चालकाचा एसटीवरील ताबा सुटल्याने समोरून येणाऱ्या दुचाकीला धडक देऊन एसटी रस्त्याकडेच्या चरीत अडकली. या अपघातात दुचाकीचा चक्काचुरा झाला. दोघांना अत्यवस्थ अवस्थेत रुग्णालयात दाखल केले. मात्र उपचारापूर्वीच संजना हिचा मृत्यू झाला. तर वडील गंभीर जखमी झाल्याचे सांगण्यात आले. दरम्यान एसटीचा ब्रेकफेल झाला असल्याचे सांगण्यात येते.
