कोल्हापूर:कोल्हापुरातील कळंबा मध्यवर्ती कारागृहात पुन्हा 46 मोबाईल सापडले आहेत. गेल्या काही महिन्यात या कारागृहामध्ये मोबाईल सापडण्याच्या घटना सतत घडत आहेत, मात्र मोबाईल वापरणारा एकही कैदी कारागृह प्रशासनाला सापडलेला नाही . कारागृहातील गैरप्रकार रोखण्यासाठी दोन अधिकाऱ्यासह बारा जणावर वरिष्ठ अधिकाऱ्याने निलंबनाची कारवाई केली, दोन अधिकाऱ्यांच्या बदल्या केल्या.
त्यानंतर सुद्धा कैद्यांकडून मोबाईल वापर सुरूच आहे.’मे ते ऑगस्ट’ दरम्यान केलेल्या तपासणी कारागृहातील स्वच्छतागृह ,शौचालय, भिंतीमध्ये रिकामी जागा, अशा ठिकाणी 46 मोबाईल सापडले. तुरुंग अधिकाऱ्यांनी दिलेल्या फिर्यादीनुसार जुना राजवाडा पोलिसांनी अज्ञातावर गुन्हा दाखल केला. कारागृहाची झडती घेऊन अधिक तपास केला जाईल अशी माहिती पोलीस निरीक्षक झाडे यांनी दिली .
