‘या’ औषधी वनस्पती देतील शरीराला थंडावा

कोथिंबीर ही जीवनसत्त्वे आणि खनिजांनी भरलेली औषधी वनस्पती आहे. कोथिंबीरमुळे शरीरातील जड धातू जसे की पारा आणि शिसे काढून टाकण्यास मदत करते, असे दिसून आले आहे. औषधी वनस्पतीमध्ये सिनेओल व लिनोलेइक अॅसिड असते; ज्यामध्ये दाहकविरोधी प्रभाव असतो आणि संधिवात व इतर दाहक परिस्थितीची लक्षणे कमी करण्यास मदत मिळते. त्याशिवाय कोथिंबिरीमध्ये प्रतिजैविक गुणधर्म असतात; ज्यामुळे शरीर संक्रमण आणि जीवाणूंशी लढण्यासाठी प्रभावी बनते. पुदिन्याप्रमाणेच कोथिंबीरमध्ये अँटिऑक्सिडंट्सचे प्रमाण जास्त असते; जे पेशींना नुकसान होण्यापासून वाचवतात आणि विविध दीर्घकालीन आजारांचा धोका कमी करू शकतात. कोथिंबिरीची पाने कोणत्याही पदार्थामध्ये टाकू शकतात किंवा सूपसाठी गार्निश म्हणून वापरली जाऊ शकतात.

तुळसीमध्ये अ, क जीवनसत्त्वे, तसेच मॅग्नेशियम, लोह, पोटॅशियम व कॅल्शियम असतात. तुळशीमधील युजेनॉल या घटकामध्ये दाहकविरोधी गुणधर्म असतात; जे सूज आणि वेदना कमी करण्यास मदत करतात. तुळस अँटिऑक्सिडंट्सनेही समृद्ध आहे; जे शरीराला मुक्त रॅडिकल्समुळे होणाऱ्या नुकसानीपासून संरक्षण करण्यास मदत करते. त्याव्यतिरिक्त तुळशीचे अनुकूलक गुणधर्म म्हणजेच नव्या बदलास जुळवून घेणारे गुणधर्म शरीराला तणावाचा सामना करण्यास आणि मानसिक स्पष्टता सुधारण्यास मदत करू शकतात. तुळस उन्हाळ्यातील पेस्टो, सॅलड्स व लिंबूपाण्यासारख्या ताजेतवाने करणाऱ्या पेयांसाठी योग्य आहे. टोमॅटोसह तुळशीचे सेवन करणे एक चांगला पर्याय आहे.