आरोग्यदायी थंड पेये उष्णतेपासून आराम देतात, शरीराचे तापमान कमी करण्यास मदत करतात. एनर्जी देतात. सरबतसारखी थंड पेये फळे, औषधी वनस्पती किंवा मसाल्यांनी बनवलेली असतात. त्यामुळे ती पिल्याने शरीराला एनर्जी मिळते.
सरबत बनवताना फळे किंवा जीवनसत्त्वे, खनिजे आणि अँटिऑक्सिडंट्स समृध्द नैसर्गिक घटकांचा समावेश होतो, ज्यामुळे संपूर्ण आरोग्यासाठी आवश्यक पोषक घटक, तत्वे मिळतात. आरोग्यदायी थंड पेये घामाच्या माध्यमातून आपण शरीरातून गमावलेले पाणी भरून काढण्यास मदत करतात. शरीराला हायड्रेट ठेवण्याचे काम करतात.
सरबतांमध्ये पुदिना, आले किंवा लिंबू वापरतात, यामुळे पचन व्यवस्थित होण्यास मदत होते. आरोग्यदायी थंड पेये थकवा दूर करण्यासाठी आणि शरीराची कार्यक्षमता वाढवण्यासाठी मदत करतात. सरबतामध्ये वापरल्या जाणाऱ्या लिंबूवर्गीय फळे, कोकम यामध्ये व्हिटॅमिन सी आणि अँटिऑक्सिडंट्स यांसारखी रोगप्रतिकारक शक्ती वाढविणारी संयुगे असतात.
उन्हाळ्यामध्ये आरोग्याची काळजी घेणे आवश्यक आहे. उन्हाळ्यामध्ये शरीराला पाण्याची नितांत गरज असते. थंड पेयाच्या माध्यमातून शरीरातील पाण्याची कमतरता भरून निघते.शरीर हायड्रेट होण्यास मदत होते.
