कागल(प्रतिनिधी) : विविध स्पर्धांमध्ये यश मिळविलेल्या शाहू साखर कारखान्याच्या मानधनधारक मल्लांचा शाहू ग्रुपचे अध्यक्ष समरजितसिंह घाटगे यांच्या हस्ते सत्कार करून पुढील स्पर्धेस शुभेच्छा दिल्या.तसेच बाळासो मेटकर यांची कोल्हापूर जिल्हा व शहर तालीम संघाच्या तांत्रिक सदस्यपदी निवड झाल्याबद्दल सत्कार केला.
सृष्टी भोसले ही चंद्रपूर येथील पंचविसाव्या वरिष्ठ महिला राज्यस्तरीय अजिंक्यपद कुस्ती स्पर्धेत पासष्ट किलो वजन गटात सुवर्णपदकांची मानकरी ठरली. धाराशिव येथे झालेल्या पासष्टाव्या वरिष्ठ राज्यस्तरीय अजिंक्य कुस्ती स्पर्धेत निलेश हिरूगडे याने सत्तर किलो वजन गटात रौप्यपदक व प्रविण वडगांवकर याने एकसष्ट किलो वजन गटात कांस्य पदक पटकाविले.या सर्व खेळाडूंचा घाटगे यांनी सत्कार केला.
