थंडीच्या दिवसात केसगळती थांबवण्यासाठी काही खास घरगुती उपाय…

थंडीच्या दिवसात आरोग्य तसेच त्वचेसंबंधी अनेक समस्या होत असतात. थंडी जसजशी वाढत जाईल केसगळतीही अधिक वाढेल. थंडीच्या दिवसांमध्ये अनेकांना केसगळतीची समस्या होते. अशात केसांची काळजी घेण्यासाठी काही खास गोष्टीही कराव्या.चला जाणून घेऊ थंडीच्या दिवसात केसगळती थांबवण्यासाठी काही खास घरगुती उपाय…

केसगळतीचं कारणं…

हिवाळ्यात जास्तीत जास्त लोक पाणी पिणं कमी करतात. त्याऐवजी गरम चहा किंवा कॉफीचं सेवन अधिक प्रमाणात करतात. त्यामुळे शरीरात बदल होतात आणि केसगळती होऊ लागते. असं नाहीये की, केसगळतीची समस्या या वातावरणात केवळ महिलांनाच होते. पुरूषांचे देखील केस गळतात. त्यांच्या टॉवेलवरही केस दिसू लागतात.

गरम पाणी

थंडीच्या दिवसात सामान्यपणे लोक आंघोळीसाठी गरम पाण्याचाच वापर करतात. पण केस धुण्यासाठी गरम पाण्याचा वापर अजिबात करू नये. जर पाणी जास्तच थंड असेल तर त्यात थोडं गरम पाणी टाकून कोमट करा. जास्त गरम पाण्याने केस धुतल्यास केस कमजोर होतात आणि केसगळती होऊ लागते.

तेल लावणं गरजेचं

केस मजबूत करण्यासाठी आणि योग्य ते पोषण मिळण्यासाठी केसांना तेल लावणं फार गरजेचं आहे. केसांना तेल लावण्याचे दोन फायदे होतात. एक म्हणजे केस मजबूत होतात दुसरा असा की, त्वचा उजळते. त्यामुळेच आठवड्यातून कमीत कमी दोनदा तेलाने केसांची मसाज करा. तेल लावण्याआधी थोडं गरम करा, याने केस मुळातून मजबूत होती.

कापूरही ठरतो फायदेशीर

पूजेसाठी वापरला जाणारा कापूर केसांचं आरोग्य चांगलं ठेवण्यासाठी फारच फायदेशीर ठरतं. या वातावरणात हेअर ऑयलिंग आणखी फायदेशीर होईल. यासाठी तेलात थोडा कापूर बारीक करून टाका. कापूर लगेच तेलात मिसळेल आणि या तेलाने केसांची मुळं मजबूत होतील. तसेच याने केसांमधील डॅंड्रफही दूर होती. 

भरपूर पाणी प्यावे

पाणी पिणं आपलं आरोग्य चांगलं ठेवण्यासाठी आणि सौंदर्य खुलवण्यासाठीही गरजेचं असतं. दिवसभरात कमीत कमी बारा ग्लास पाणी आवर्जून प्यावे. हिवाळ्यात तहान कमी लागते म्हणून कमी पाणी पिऊ नये. हवं तर तुम्ही गरम पाणी पिऊ शकता, याने तुम्ही हायड्रेट रहाल आणि शरीरातील चरबी कमी करण्यासही मदत मिळेल. 

डॅंड्रफ दूर करण्याचे उपाय

1) डोक्याच्या त्वचेची कोमट तेलाने मसाज केल्याने डॅंड्रफच्या समस्येपासून सुटका मिळते.

2) खोबऱ्याचं तेल हे केसांसाठी नैसर्गिक मॉइश्चरायजर म्हणून काम करतं आणि याने डोक्याच्या त्वचेसंबंधी समस्याही दूर होतात.

3) कोमट तेलाने डोक्याची मसाज केल्यावर स्टीम दिल्यावरही डॅंड्रफची समस्या दूर होण्यास मदत मिळते.

4) केसात डॅंड्रफ झाले असतील तर रात्री केसांची मालिश करा. सकाळी केसांना आणि डोक्याच्या त्वचेला लिंबाचा रस लावा. 15 मिनिटांनी केस शॅम्पूने धुवावे. यासाठी कोमट पाण्याचा वापर करा.