हुबळी : देशाचे पंतप्रधान नरेंद्र मोदी यांनी आज कर्नाटक येथील हुबळी येथे जगातल्या सर्वात लांब रेल्वे प्लॅटफॉर्मचे लोकार्पण केले. यावेळी केंद्रीय मंत्री प्रल्हाद जोशी यांचीही उपस्थिती होती.
कर्नाटकाच्या हुबळी येथील जगातल्या सर्वात लांब प्लॅटफॉर्मची नोंद गिनीज बुक ऑफ वर्ल्ड रेकॉर्डमध्ये झाली आहे. कर्नाटकातील श्री सिद्धारुधा स्वामीजी रेल्वे स्थानकावर हा प्लॅटफॉर्म बांधण्यात आलेला आहे. या प्लॅटफॉर्मसाठी २०.१ कोटी रुपयांचे खर्च आलेला आहे.सिद्धारुधा स्वामी रेल्वे स्थानकावरील हा प्लॅटफॉर्म दीड किलोमीटर अंतराचा आहे. या प्लॅटफॉर्मचे बांधकाम फेब्रुवारी २०२१मध्ये सुरु करण्यात आले होते. हुबळी येथील हे जंक्शन बंगळुरु, होसापेटे आणि वास्को द गामा या ठिकाणांशी जोडले गेलेले आहे.
