कागल :जागतिक महिला दिनानिमित्त दिनांक ८ व ९ मार्च २०२३ दोन दिवस राजमाता जिजाऊ महिला समिती, कागल यांच्या वतीने महिलांसाठी विविध स्पर्धेचे आयोजन केले आहे अशी माहिती कार्याध्यक्षा सौ नवोदिता घाटगे यांनी प्रसिद्धी पत्रकारद्वारे दिली आहे.
विविध स्पर्धांतून महिलांच्या कलागुणांना वाव देण्यासाठी रंगतदार स्पर्धा अन् त्यातून ५१ हजार रुपयांहून अधिक आकर्षक बक्षिसे जिंकण्याची संधी या स्पर्धेतून महिलाना मिळणार आहे.या स्पर्धेसाठी प्रवेश विनामुल्य आहे. यामध्ये महिलांनी मोठ्या संख्येने उपस्थित राहून सहभाग घ्यावा. असे आवाहन राजमाता जिजाऊ महिला समितीच्या कार्याध्यक्षा सौ. नवोदिता घाटगे यांनी केले आहे.स्पर्धेचा कार्यक्रम असाबुधवारी 8 मार्च 2023 रोजी रांगोळी स्पर्धा सकाळी 9 ते 11 या वेळेत तर मेहंदी स्पर्धा सकाळी 10.30 ते 12 या वेळेत होतील.या स्पर्धा मंडलिक हॉल शाहू कॉलनी, श्रमिक हाऊसिंग सोसायटी,बिरदेव समाज मंदीर, शाहू वाचनालय, दूधगंगा डेअरी, आंबेडकर नगर समाज मंदिर, राधाकृष्ण मंदिर, राधाकृष्ण हॉल, वडवाडी समाज मंदिर या केंद्रावर होतील. गुरुवारी 9 मार्च 2023 रोजी पनीर महोत्सवअंतर्गत पनीरच्या पाककृती स्पर्धा सायं 4.00 ते 5.00 तर पारंपारिक वेशभुषा व फनी गेम्स सायंकाळी 5 वाजता श्रीराम मंदिर, खर्डेकर चौक,येथे होतील. विजेत्यांना रोख रक्कम, प्रशस्तीपत्र व सन्मानचिन्ह तर सर्व सहभागी स्पर्धकांना प्रशस्तीपत्र देण्यात येईल.
