कोल्हापूर : कोल्हापूर जिल्ह्यातील पन्हाळा तालुक्यात काखे गावामध्ये सत्यजीत खुडे या जवानाने राहत्या घरीच आत्महत्या केली.
जवानाने आत्महत्या का केली हे अद्याप स्पष्ट होऊ शकले नाही. सत्यजितच्या पश्चात आई, वडील, पत्नी, मुलगा असा परिवार आहे. या घटनेची नोंद कोडोली पोलिस ठाण्यात झाली आहे. सत्यजितच्या टोकाच्या निर्णयाने कुटुंबीयांना धक्का बसला आहे.सत्यजीत महादेव खुडे (वय 28) हा भारतीय सैन्यात कार्यरत होता. तो गेल्या काही महिन्यांपासून गुजरातमध्ये डी. रिगारमेंट या विभागात सेवा बजावत होता. 1 जानेवारीपासून तो आपल्या काखे गावी सुट्टीवर आला होता. दरम्यान सत्यजीत दुसऱ्या मजल्यावर झोपण्यासाठी गेला होता. त्यानंतर त्याचा भाऊ सुनील हा सत्यजीतला उठविण्यासाठी गेला असता गळफास घेतल्याचे निदर्शनास आले. भावाने सत्यजीतला तातडीने उपचारासाठी कोडोली येथील यशवंत रुग्णालयात दाखल केले. मात्र, उपचारापूर्वीच त्यांचा मृत्यू झाल्याचे डॉक्टरांनी सांगितले.
