आरोग्य टीप्स : हळदीचे दूध हे नेहमीच आरोग्यासाठी फायदेशीर ठरते. अगदी लहानपणापासून आपल्याला आई दूध हळद पिण्यासाठी देते. पण तेव्हा त्याचे नक्की काय फायदे असतात हे कळत नाही. त्याचे नक्की काय फायदे आहेत ते आपण स्पष्टीकरणासह पाहू.
जेव्हा सर्दी आणि खोकला होतो तेव्हा संपूर्ण अंग दुखू लागतं आणि डोक्यामध्ये खूप दुखू लागतं पण प्रत्येकवेळी आपण डॉक्टरांकडे धावत जात नाही. साधं सर्दी पडसं असेल तर हळदीच्या दुधाचा फायदा आपल्याला होता. हळदीचे दूध प्यायल्याने शरीर रोगाशी लढते आणि पुन्हा एकदा तुमच्या शरीरात प्रतिकारशक्ती वाढून तुम्हाला सर्दी खोकल्यातून बरे करण्याचे काम करते. अँटीव्हायरल आणि अँटीबॅक्टेरियल गुण वाढवण्याचे काम हळदीचे दूध करते. त्यामुळेच सर्दी आणि खोकल्यापासून बचाव करण्यासाठी हळदीच्या दुधाचा फायदा होतो.
हळदीमध्ये आढळणाऱ्या करक्युमिनमुळे हळदीच्या दुधाचे फायदे वाढतात. याशिवाय यामध्ये जास्त प्रमाणात अँटी इन्फ्लेमेटरी गुणही आहे आणि हळदीचे दूध हे कॅल्शिमययुक्त असून यामुळे हाडांना मजबूती मिळते. करक्युमिन आणि कॅल्शियमचे मिश्रण हे शरीरातील हाडांना अधिक मजबूती मिळवून देतात. त्यामुळेच सांधेदुखी आणि हाडांशी संबंधित काही आजार असतील तर हळदीचे दूध नियमित पिणे योग्य ठरते. तुम्ही नियमित प्यायल्यास, तुम्हाला स्वतःला याचा परिणाम दिसून येईल.
ऑस्टियोपोरोसिस आणि अन्य सांधेदुखी समस्यांपासून तुम्ही दूर राहू शकता.हळदीच्या दुधाचा सर्वात महत्त्वाचा फायदा म्हणजे यात अँटीइन्फ्लेमेटरी, अँटिबॅक्टेरियल आणि अँटीव्हायरल गुण असतात. या घटकांमुळे तुम्हाला आजारांशी लढण्यास मदत मिळते. धावताना पडल्यास, अचानक अपघात अथवा सर्जरी झाली असेल तर तुम्ही नियमित दूध हळद प्यावे.
औषधांसह तुम्ही हळदीच्या दुधाचे सेवन करणेही तितकेच गरजेचे आहे. शरीरावरील जखम लवकर भरण्यास यामुळे मदत होते. हळद ही अँटिसेप्टिक असल्याने शरीराला लवकर फायदा होतो.एक ग्लास हळदीचे दूध प्यायलाने तुम्हाला हळदीच्या दुधाचे फायदे मिळू शकता. तुमच्या लिव्हरमधील सर्व घाण काढून टाकण्यास याची मदत मिळते. त्यामुळे तुम्ही अधिक तजेलदार दिसू लागतात. एका शोधानुसार, हळदीमध्ये असणारे करक्युमिन शरीरातील एंडोथेलियल फंक्शन सुधारण्यासाठी मदत करते. त्यामुळे रक्तप्रवाह चांगला होतो. रक्त शुद्ध राहते आणि शरीराला शुद्ध रक्ताचा पुरवठा होत राहिल्याने तुमची त्वचाही अत्यंत चमकदार राहाते.हळदीच्या दुधाने शरीराशी निगडीत अनेक आजार दूर होण्यास मदत मिळते. मासिक पाळीच्या वेळी हळदीच्या दुधाचे सेवन करणे चांगले ठरते. मासिक पाळीच्या वेळी पोटात, पायात गोळा येणे हे साहजिक असते. अशावेळी हळदीच्या दुधाने महिलांना अधिक चांगले वाटते. तसंच गरोदर महिलांसाठीही हळदीचे दूध पिणे चांगले ठरते. बाळासाठी अंगावरील दूध वाढविण्यास आणि बाळाला पोटात सुरक्षित ठेवण्यासाठीही गरोदर महिला दिवसातून एकदा याचा वापर करून घेऊ शकतात.
