कसबा बावडा (वार्ताहर) : येथील डी. वाय. पाटील अभियांत्रिकी महाविद्यालयाच्या अंतिम वर्षात शिक्षण घेत असलेल्या 21 विद्यार्थ्यांची पुण्यातील ‘केपीआयटी टेक्नॉलॉजी’ या कंपनीमध्ये निवड झाली आहे. या विद्यार्थ्यांना 4.5 ते 6 लाखापर्यंतचे सॅलरी पॅकेज ऑफर मिळाले आहे. 2022-23 या वर्षात 358 हुन अधिक मुलांची प्लेसमेंट झाली असून ही प्रक्रिया अजूनही सुरू आहे.
‘केपीआयटी टेक्नॉलॉजी पुणे’ ही कंपनी आयटी क्षेत्रातील मोठी कंपनी आहे. सॉफ्टवेअर- परिभाषित वाहने प्रत्यक्षात आणण्यासाठी ऑटोमोटिव्ह आणि मोबिलिटी इकोसिस्टमची ही कंपनी जागतिक भागीदार आहे. युरोप, यूएसए, जपान, चीन, थायलंड आणि भारतामध्ये हजारो कर्मचाऱ्यांच्या मदतीने ही कंपनी सेवा देत आहे. डी. वाय. पाटील अभियांत्रिकी महाविद्यालयाच्या ट्रेनिंग व प्लेसमेंट विभागातर्फे या कंपनीचा प्लेसमेंट ड्राईव्ह आयोजित करण्यात आला होता.
याबाबत अधिक माहिती देताना, संस्थेचे कार्यकारी संचालक डॉ . अनिलकुमार गुप्ता म्हणाले, केपीआयटी सारख्या नामांकित कंपनीमध्ये 21 विद्यार्थ्यांची झालेली निवड अभिनंदनिय आहे. अभियांत्रिकीमधील आधुनिक शिक्षण, विविध स्किल्स व प्रशिक्षण विद्यार्थ्यांना महाविद्यालयात दिले जाते. व्यक्तिमत्त्व विकासावर भर दिला जातो त्याचा चांगला फायदा होत आहे.
ट्रेनिंग आणि प्लेसमेंट ऑफिसर प्रा .सुदर्शन सुतार यांनी सांगितले की, आदित्य शिंदे, आविष्कार खोत, भाग्यश्री पाटील, चैतन्य जोशी, गुरुप्रसाद देसाई, मानसी मंडलिक, प्रणाली पाटील,प्रतीक्षा सूर्यवंशी, प्रीतम पार्थ डे, पूर्वा खंडागळे, राहुल हसोलकर, राजकुंवर नलावडे, सादिक फकीर, साक्षी शहा, संकेत पाटील, शशिकांत माने, श्रेयश पाटील, सिद्धार्थ घारगे, सोहेल शेख, तनिश शिंदे ,तारिकअन्वर बाळासाहेब नदाफ या विद्यार्थ्यांना नोकरीची मोठी संधी केपीआयटीच्या माध्यमातून उपलब्ध झाली आहे. या विद्यार्थ्यांना 4. 50 लाख ते 6 लाख रुपयांपर्यंतचे पॅकेज ऑफर करण्यात आले आहे. विविध काठिण्य पातळीच्या चाचण्या आणि मुलाखतीद्वारे ही निवड करण्यात आली.प्राचार्य डॉ. संतोषकुमार चेडे म्हणाले, सर्व विद्यार्थ्यांचे हे यश नक्कीच भूषणावह असून त्यांची व शिक्षकांची मेहनत व मार्गदर्शन ह्यांची मोलाची साथ लाभली .
निवड झालेल्या विद्यार्थ्यांचे संस्थेचे अध्यक्ष डॉ. संजय डी. पाटील, उपाध्यक्ष आमदार सतेज पाटील, विश्वस्त आमदार ऋतुराज पाटील, कार्यकारी संचालक डॉ. अनिलकुमार गुप्ता, प्राचार्य डॉ. संतोषकुमार चेडे, रजिस्ट्रार डॉ. एल. व्ही. मालदे, प्रा. सुदर्शन सुतार, प्रा रवींद्र बेन्नी, प्रा मकरंद काईगडे आदींनी अभिनंदन केले.
