नवी दिल्ली (वृत्तसंस्था) : चिथावणीखोर भाषण केल्याप्रकरणी समाजवादी पक्षाचे दिग्गज नेते आमदार आझम खान यांना आज (गुरुवारी) न्यायालयाने शिक्षा सुनावली. आझम खान यांना 3 वर्षांचा तुरुंगवास आणि २५ हजारांचा दंडही ठोठावण्यात आला आहे.
२७ जुलै २०१९ रोजी भाजप नेते आकाश सक्सेना यांनी आझम खान यांच्याविरोधात गुन्हा दाखल केला. आझम खान यांनी रामपूरच्या मिलक विधानसभा मतदारसंघात जनतेला संबोधित करताना चिथावणीखोर भाषण दिल्याचा आरोप करण्यात आला होता. यावेळी आझम खान यांनी मुख्यमंत्री योगी आदित्यनाथ, पंतप्रधान नरेंद्र मोदी आणि तत्कालीन डीएम यांच्याबद्दल आक्षेपार्ह भाषा वापरली. ३ वर्षांनंतर आज याच प्रकरणातील सुनावणीनंतर आझम खान यांना न्यायालयाने दोषी ठरवले आणि शिक्षा सुनावली.
