मुंबई (वृत्तसंस्था) : ‘जिंकून दाखवणारच’ अशा दोनच शब्दात शिवसेना पक्षप्रमुख उद्धव ठाकरेंनी आपली प्रतिक्रिया व्यक्त केली आहे.त्यांनी ही प्रतिक्रिया इन्स्टाग्राम अकाउंटवर व्यक्त केल्याचे दिसत आहे. यावेळी उद्धव ठाकरे यांनी शिवसेनाप्रमुख बाळासाहेब ठाकरे यांचा फोटो शेअर केला आहे.
शिवसेना नेते आदित्य ठाकरेंनी देखील काल ट्वीट करत प्रतिक्रिया व्यक्त केली आहे. यानंतर सर्वांना उत्सुकता होती ती शिवसेने पक्षप्रमुख उद्धव ठाकरेंच्या प्रतिक्रियेची, अखेर उद्धव ठाकरे यांनी त्यांच्या इन्स्टाग्राम अकाउंटवर प्रतिक्रिया व्यक्त केल्याचे दिसत आहे.
शिवसेनेच्या काही नेत्यांनी शिवसेना (बाळासाहेब ठाकरे किंवा महाराष्ट्र )अशी काही पर्यायी नावे आणि काही निवडणूक चिन्हांचा अंधेरी पोटनिवडणुकीसाठी विचार केला जाईल, असे संकेत दिले आहेत. उद्धव ठाकरे यांच्या उपस्थितीत आज (रविवारी) याबाबत निर्णय घेण्यात येणार आहे. मुख्यमंत्री एकनाथ शिंदे यांनी आपल्या समर्थक खासदार-आमदारांची रविवारी सायंकाळी बैठक आयोजित केली आहे.
