खुपिरे (प्रतिनिधी) : आरबीएल बँकेच्या खुपिरे ता.करवीर येथील शाखेच्या वतीने महिलांसाठी ग्राहक जागरूकता कार्यक्रम घेण्यात आला. येथील हनुमान मंदिरात या कार्यक्रमाचे आयोजन करण्यात आले.
यावेळी स्नेहप्रभा नदाफ व मनोजकुमार माने यांनी महिलांना मार्गदर्शन केले. महिलांची फसवणुक कशी होते व त्यासाठी कोणती काळजी घ्यावी या विषयावर त्यांनी मार्गदर्शन केले. तसेच बँकेच्या विविध सेवा व सुविधा यांची माहिती दिली.
यावेळी सरपंच दिपाली जांभळे, पं. स. सदस्य यशोदा पाटील, आरबीएल बँकेतर्फे स्नेहप्रभा नदाफ, ग्रामसेविका अत्तार, संभाजी बंगे, सुनिल पाटील, अमोल पाटील, संग्राम चव्हाण, शिवाजी खामकर, विशाल पाटील, अभिजित पाटील उपस्थित होते.स्वागत उज्ज्वला कारंडे यांनी केले. प्रास्ताविक स्मिता यांनी केले.
