कागल : श्री गजानन महाराज बहुउद्देशीय सेवा संस्था बेलवळे खुर्द (ता.कागल) व डिस्ट्रीक्ट रिपोटर्स वेलफअर असोशिएशन यांच्या संयुक्त विद्यमाने श्रावणी सोमवारनिमित्त साके येथे शिवभक्तांना बेलरोपाचे वापट करण्यात आले. शिवसेना तालुका प्रमुख अशोकराव पाटील (बेलवळेकर), डिस्ट्रीक्ट रिपोटर्स संघटनेचे कागल तालुकाध्यक्ष सागर लोहार यांच्या हस्ते व केनवडे सर्कल अरूण कांबळे, तलाठी सुनिल भातमारे, उपसरपंच रविंद्र जाधव, निलेश निऊंगरे, दयानंद कांबळे यांच्या उपस्थितीत वाटप करण्यात आले.
अशोकराव पाटील म्हणाले, श्रावण महिना हा भगवान शंकराला प्रिय असण्याचे कारण म्हणजे या महिन्यात पार्वतीदेवीने शंकरांना प्राप्त करण्यासाठी मोठे तप केले होते. असे सांगितले जाते की श्रावण सोमवारी केल्या जाणाऱ्या शिवपुजनात जलाभिषेक रुद्रभिषेकाला विशेष महत्व असते. म्हणून श्रावण सोमवारच्या दिवशी शिवपूजन करणे शक्य नसल्यास भक्तिभावाने शिवाला केवळ एक बेलाचे पान जरी अर्पण केले तरी पूर्ण पूजेचे पुण्य प्राप्त होत असल्यांचे त्यांनी सांगितले.
यावेळी साके, बेलवळे खुर्द, पिराचीवाडी, सावर्डे, वाळवे, बाचणी परिसरात श्रावण सोमवार निमित्त शिवभक्तांना रूद्राक्षमाळ,भस्म,महादेवाची पिंड, बेल रोपाचे वाटप करण्यात आले. कार्यक्रमास ग्रामसेवक संजय पाटील, धैर्यशील पाटील,नागेश आसबे, बाळासाहेब पाटील,सुरेश आगळे,तेजस्विणी पाटील,स्वाती सातुसे,संगीता पाटील आंगणवाडी सेविका, महिला उपस्थित होत्या.
