सातारा : ‘संजय राऊत यांना त्यांचा श्वास कसा थांबवायचा हे मी दाखवून देईन’ अशी थेट धमकीच भाजपचे राज्यसभेचे खासदार छत्रपती उदयनराजे भोसले यांनी जाहीर कार्यक्रमातून दिली आहे. उदयनराजे यांच्या या वक्तव्यामुळे एकच खळबळ उडाली आहे.
काही दिवसांपूर्वी कोल्हापूर येथील कार्यक्रमात शिवसेना नेते संजय राऊत यांनी छत्रपती घराण्याबाबत मावळ्यांमुळे छत्रपती असतात असे वक्तव्य केले होते. या पोस्टवर भाजपचे राज्यसभेचे खासदार आणि छत्रपती शिवरायांचे वंशज उदयनराजे भोसले यांनी कोणतीही प्रतिक्रिया दिली नव्हती. मात्र, महाराष्ट्र केसरीमधील विजेत्यांचा सत्कारप्रसंगी उदयनराजे भोसले यांनी संजय राऊत यांचा चांगलाच समाचार घेतला.‘संजय राऊत यांना त्यांचा श्वास कसा थांबवायचा हे मी दाखवून देईन’ अशी धमकीच उदयनराजे यांनी स्टेजवरून दिली.
दरम्यान, महाराष्ट्र केसरी पृथ्वीराज पाटील, उपविजेता प्रकाश बनकर यांचा आणि इतर गटातील विजेत्या पहिलवानांचा सत्काराचा कार्यक्रम खासदार उदयनराजे भोसले यांच्या हस्ते सातारा येथील जलमंदिर पॅलेस येथे करण्यात आला. यावेळी उदयनराजेंच्या हस्ते पहिलवान पृथ्वीराज पाटील याला बुलेट देण्यात आली. बुलेटलाला 007 हा खास नंबरही उदयनराजेंनी घेऊन दिला.
