हातकणंगले (प्रतिनिधी) : शिक्षकांचे जे विविध प्रश्न आहेत ते सोडविण्यासाठी कटिबध्द आहे, असे प्रतिपादन आमदार राजूबाबा आवळे यांनी केले.
महाराष्ट्र राज्य प्राथमिक शिक्षक संघाच्या हातकणंगले उपशाखेचे त्रैवार्षिक अधिवेशन व शिक्षक मेळावा अतिग्रे येथे संपन्न झाला. यावेळी ते बोलत होते.
या वेळी हातकणंगले तालुका कार्यकारणी जाहीर करण्यात आली. नूतन अध्यक्षपदी शशिकांत पाटील, सरचिटणीस अधिकराव पाटील, कार्याध्यक्ष सुरेश भानुसे, कोषाध्यक्ष विजय चौधरी, तालुका संपर्कप्रमुख इंद्रजीत कदम, महिला अध्यक्ष सोनाली परीट, कार्याध्यक्ष फरजाना शिकलगार, सरचिटणीस वर्षा कवडे, कोषाध्यक्षा सुजाता गुरव आदींची कार्यकारणी निवडण्यात आली.
या कार्यक्रमास प्रमुख पाहुणे म्हणून अखिल भारतीय प्राथमिक शिक्षक संघाचे राष्ट्रीय अध्यक्ष एन. वाय. पाटील होते. शिक्षकांची जुनी पेन्शन योजना इतर राज्या प्रमाणे निर्णय घेण्यास सरकार बरोबर योग्य वेळी चर्चा केली जाईल असे त्यांनी सांगितले. या दरम्यान सुखदेव पाटील या शिक्षकांनी मैदानी खेळाचे उत्कृष्ट सादरीकरण केले.
या कार्यक्रमास राज्य महिला आघाडी प्रमुख स्वाती शिंदे, राज्य संपर्कप्रमुख एस. पी. पाटील, राज्य उपाध्यक्ष आनंदराव जाधव, बाळासो निंबाळकर, रघुनाथ खोत, जिल्हाध्यक्ष रवीकुमार पाटील, महिला आघाडी जिल्हाध्यक्षा लक्ष्मी पाटील, सरचिटणीस सुनिल पाटील,सुरेश कांबळे ,रावसाहेब देसाई, सुनील एडके ,रावसाहेब मोहिते, जयवंत पाटील यांची प्रमुख उपस्थित होती. सुत्रसंचालन महेश घोटणे यांनी केले. आभार अरुण चाळके यांनी मानले.
