पुणे सातारा महामार्गावर विचित्र अपघात

पुणे : पुणे सातारा महामार्गावरील कापूरहोळ गावाच्या हद्दीत सहा वाहनांचा विचित्र अपघात झाल्याची घटना घडली आहे. सहा वाहने एकमेकांवर धडकली.

यामध्ये 3 ट्रक, 2 टेम्पो आणि एका कारचा समावेश आहे. पुण्याहून साताऱ्याच्या दिशेने जात असताना समोरील वाहनाने अचानक ब्रेक मारल्यानं मागून येणारी वाहने एकमेकांना धडकली. अपघातात रस्त्यावर थांबलेले प्रवासी किरकोळ जखमी झाले आहेत. सुदैवाने यात कोणतीही जीवितहानी झाली नाही, वाहनांचं मात्र मोठं नुकसान झालं आहे.अपघातानंतर या मार्गावरची वाहतूक काही काळ विस्कळीत झाली होती. मात्र पोलिसांनी वाहने बाजूला करुन वाहतूक सुरळीत केली. गाडीला अचानक ब्रेक मारणे किती भयंकर ठरु शकते हे या घटनेवरुन दिसून येते.