कोल्हापूर : कोल्हापूर जिल्ह्यात तरुणींवर हल्ल्याचे प्रकार सुरुच आहेत. आता इचलकरंजीमध्ये प्रेमसंबंधास नकार दिल्याने तरुणाने तरुणीवर थेट कोयत्याने हल्ला केल्याने तरुणी गंभीर जखमी झाल्याची घटना घडली आहे.
हल्ला करून हल्लेखोर पसार झाला आहे. तरुणाने केलेल्या प्राणघातक हल्ल्यात तरुणीच्या हाताची बोटे तुटली आहेत. तरुणीच्या हात, मान व डोक्यावर कोयत्याने हल्ला करण्यात आला आहेत. त्यामुळे तरुणीला इचलकरंजी आयजीएममधून सीपीआरमध्ये उपचारासाठी दाखल करण्यात आले आहे. पोलिसांनी दिलेल्या माहितीनुसार, हल्लेखोर तरुणाचा अन्य एका मुलीशी वर्षभरापूर्वी विवाह होऊनही त्याने जबरदस्तीने प्रेमसंबंधासाठी तगादा लावला होता. तरुणीने त्याचे लग्न झाल्याने संबंध तोडले होते. त्यामुळे दोघांमध्ये वाद सुरु होता. संबंधित तरुणीने त्रासाला कंटाळून पोलिसांकडे तक्रार करणार असल्याचे सांगितले होते. तरीही तरुण जबरदस्तीने संबंधांसाठी प्रयत्न करत होता. • घरात येऊन तरुणीला मारहाणतरुणीने नकार दिल्यानंतरही तरुणाकडून घरात येऊन दादागिरी सुरु होती. गेल्या पंधरा दिवसांपासून तरुण तरुणीच्या घरी जाऊन वाद घालत होता.
काल (31 मार्च) रोजी त्याने तिच्या घरासमोर येऊन तिच्याशी वाद घालत मारहाण केली. वाद आणखी वाढल्यानंतर त्याने कोयत्याने वार करून गंभीर जखमी केले. आरडाओरडा झाल्यानंतर हल्लेखोर पसार झाला. तरुणीला अत्यंत जखमी अवस्थेत आयजीएम रुग्णालयात दाखल करण्यात आले. प्राथमिक उपचारानंतर सीपीआरमध्ये दाखल करण्यात आले.
काही दिवसांपासून छेडछाडीच्या प्रकरणात वाढगेल्या काही दिवसांपासून कोल्हापूर जिल्ह्यात एकतर्फी प्रेमातून मुलींची छेडछाड करणे, त्रास देणे, कुटुबांना धमकावणे, सोशल मीडियातून बनावट अकाउंट सुरू बदनामी करणे यात मोठ्या प्रमाणात वाढ झाली आहे.
