कुंभोज (विनोद शिंगे)
नांदणी येथे दिनांक १ जानेवारी ते ९ जानेवारी २०२५ या कालावधीत होणाऱ्या पंचकल्याणक प्रतिष्ठा व महामस्तकाभिषेक महोत्सवासाठी आमदार डॉ. राहुल प्रकाश आवाडे यांनी मुंबई येथील सागर निवासस्थानी महाराष्ट्राचे मुख्यमंत्री देवेंद्र फडणवीस यांची भेट घेतली.
या भेटीत त्यांनी महोत्सवाचे महत्त्व स्पष्ट करत मुख्यमंत्र्यांना या ऐतिहासिक व धार्मिक कार्यक्रमास उपस्थित राहण्यासाठी औपचारिक निमंत्रण दिले. हा महोत्सव नांदणीच्या सांस्कृतिक व धार्मिक परंपरेचा महत्त्वाचा भाग असून, यात जैन धर्माच्या पवित्र परंपरेचे दर्शन घडेल. राज्यभरातून श्रद्धालू व भाविक मोठ्या संख्येने या महोत्सवाला हजेरी लावतील अशी अपेक्षा आहे. मुख्यमंत्र्यांच्या उपस्थितीमुळे या कार्यक्रमाला अधिक गौरव व प्रेरणा मिळेल, असे आमदार डॉ. राहुल प्रकाश आवाडे यांनी यावेळी सांगितले.
यावेळी पंचकल्याणक महोत्सव कमिटीचे कार्याध्यक्ष सागर शंभूशेटे, राजकुमार सावत्रे, स्वप्निल देसाई, दर्शन टारे आणि इतर मान्यवर देखील उपस्थित होते.
