कोल्हापूर : दैनिक सकाळ एनआयई, रोटरी क्लब ऑफ कोल्हापूर मिडटाऊन व रोट्रक्ट क्लब ऑफ फिनिक्स यांच्या वतीने रिलायन्स मॉल येथे लहान मुलांसाठी आकाश कंदील बनवण्याची कार्यशाळा संपन्न झाली. याप्रसंगी क्लबच्या अध्यक्षा अरुंधती महाडिक यांची प्रमुख उपस्थिती होती. या कार्यशाळेमध्ये 450 हून अधिक मुलांनी सहभाग घेतला व यावेळी मा. रेशमी शहा यांनी वेगवेगळी प्रात्यक्षिके दाखवून मुलांना प्रशिक्षण दिले.
नवनिर्मितीचा ध्यास घेऊन मुलांनी बनवलेले आकर्षक आकाश कंदील व दिवाळीच्या वस्तू या मुलांच्या कल्पकतेची साक्ष देत आहेत. मुलांना नवनिर्मितीचा आनंद घेता यावा व त्यातून नवनवीन गोष्टी शिकता याव्यात या उद्देशाने रोटरी क्लबने हा उपक्रम राबवला आहे. असे मत सौ. अरुंधती महाडिक यांनी व्यक्त केले.
यावेळी यतेश शहा, दीपक ढगाले, बी. एस. शिंपूकडे, प्रेरणा जाधव, सुरज जमादार, व रोटरी क्लबचे सदस्य उपस्थित होते.
