नांदेड : विधानसभा निवडणुकीच्या पार्श्वभूमीवर राजकीय घडामोडींना वेग आला आहे. काँग्रेसचा आमदार भाजपमध्ये जाण्याची शक्यता आहे. केंद्रीय मंत्री नितीन गडकरी यांची काँग्रेसचे आमदार मोहन हंबर्डे यांनी भेट घेतली. त्यामुळे ते भाजपमध्ये प्रवेश करणार असल्याची चर्चा सुरू आहे
मोहन हंबर्डे हे लवकरच भाजपमध्ये प्रवेश करणार असल्याचे बोलले जात आहे. त्यामुळे काँग्रेससाठी हा मोठा धक्का मानला जात आहे. काही दिवसापूर्वीच देगलूर चे आमदार जितेश अंतापुरकर यांनी भाजपमध्ये प्रवेश केला आहे. त्यानंतर आता मोहन हंबर्डे हे देखील भाजपमध्ये जाण्याची शक्यता आहे. मोहन हंबर्डे यांच्यावर सुद्धा क्रॉस वोटिंग चा आरोप केला आहे. त्यामुळे हंबर्डे देखील भाजपच्या वाटेवर आहेत अशी चर्चा सध्या नांदेड जिल्ह्यात सुरू आहे.
