कोल्हापूर : आज ३सप्टेंबर रोजी समरजीतसिंह घाटगे शरद पवार गटामध्ये प्रवेश करत आहेत. या पक्षप्रवेशासाठी शरद पवारांची उपस्थिती असणार आहे. त्यापूर्वी शरद पवारांनी कोल्हापुरात केशवराव भोसले नाट्यगृहाची पाहणी केली.
यावेळी बोलताना शरद पवार म्हणाले की, केशवराव भोसले नाट्यगृहाला आग लागली हि दुर्देवाची बाब आहे. आता हे नाट्यगृह सुसज्ज करायला हवं. या नाट्यगृहात खूप दिग्गज कलाकार घडले आहेत . केशवराव भोसले नाट्यगृहासाठी मुख्यमंत्र्यांनी वीस कोटी रुपये निधी जाहीर केला. परंतु नाट्यगृह अधिक चांगले होण्यासाठी 50 कोटी पेक्षा अधिक पैसे लागतील. यासाठी लोकप्रतिनिधींनी पुढे आलं पाहिजे. मी एक कोटी रुपये निधी देतो असं म्हणत पवारांनी निधीची घोषणा केली.
