राष्ट्रवादी काॅंग्रेसचे अध्यक्ष अजित पवार यांनी नगरमध्ये महायुती भाजपचे उमेदवार खासदार सुजय विखे यांच्यासाठी प्रचार सभा घेतल्या. गेल्या तीन दिवसांत राज्यातील दोन आमदारांना दम दिला. यात नगर दक्षिणचे महाविकास आघाडीचे उमेदवार माजी आमदार नीलेश लंके यांचा समावेश आहे.
नीलेश बेटा, तुझा बंदोबस्तच करतोच’, ‘तू किस झाड पत्ती है’, असे पारनेर विधानसभा मतदारसंघात येऊन अजितदादांनी फटकारले होते. यावर नीलेश लंकेंनी मौन सोडले आहे. “अजितदादांना संपर्क करतो. निवडणूक होऊ द्या,” असे नीलेश लंके यांनी म्हटले आहे.
अजित पवार यांनी नगरमध्ये महायुती भाजपचे उमेदवार खासदार सुजय विखे यांच्यासाठी प्रचार सभा घेतल्या. कर्जत-जामखेडपाठोपाठ पारनेरमध्येही अजित पवारांची सभा झाली. पारनेर विधानसभा मतदारसंघ हा नीलेश लंकेंचा बालेकिल्ला. अजित पवारांमळे नीलेश लंके राष्ट्रवादीत आले आणि तेथून निवडून आले. परंतु लोकसभेसाठी त्यांनी अजितदादांची साथ सोडून शरद पवारांकडे गेले आणि लोकसभा निवडणुकीचे उमेदवार झाले, त्यासाठी नीलेश लंकेंनी आमदारकीचा राजीनामा दिला. त्यामुळे अजित पवार पारनेरमध्ये येऊन नीलेश लंकेंच्या विरोधात काय बोलतात, याकडे लक्ष लागले. अजित पवारांनी दादा स्टाईल भाषणातून नीलेश लंकेंना धुतले. त्यामुळे लोकसभेच्या निवडणुकीचा पारा पारनेरमध्ये चांगलाच तापला आहे.
