वाकरे प्रतिनिधी
जिल्हा क्रीडा अधिकारी कार्यालय कोल्हापूर व पैलवान शंकर तोडकर हायस्कूल वाकरे यांच्या वतीने आयोजित करवीर तालुकास्तरीय शासकीय शालेय कुस्ती स्पर्धेत विविध वजन गटात चारशेपाच मल्लांनी उत्स्फूर्तपणे सहभाग घेतला . आंतरराष्ट्रीय नियमानुसार पार पडलेल्या कुस्ती स्पर्धेचा बक्षीस वितरण ही आंतरराष्ट्रीय स्पर्धेप्रमाणे गटवार प्रथम तीन विजेत्या मल्लांना पदक देऊन करण्यात आले . कुस्ती सम्राट पै युवराज पाटील कुस्ती संकुल कुडित्रे फॅक्टरी साईट येथे झालेल्या स्पर्धेला हजारो कुस्ती शौकीनांनी उपस्थिती लावली .
या स्पर्धा फ्री स्टाईल प्रकारात १४, १७ व १९ वर्षाखालील वयोगटात मुले व मुली ग्रीको रोमन प्रकारात १७ व १९ वर्षे वयोगटाखाली मुलांच्यासाठी प्रत्येकी दहा वजन गटात झाल्या .या स्पर्धेतील प्रत्येक गटातून सुवर्णपदक विजेत्या मल्लाची जिल्हास्तरीय कुस्ती स्पर्धेसाठी निवड झाली आहे त
कुस्ती मैदानासाठी प्रमुख पाहुणे म्हणून आमदार प्राःजयंत आसगावकर, युवा नेते राजवीर नरके ,हिंदकेसरी दिनानाथ सिंह , संताजी बाबा घोरपडे,कुंभी कासारी साखर कारखान्याचे कार्यकारी संचालक धीरजकुमार माने, लेबर ऑफिसर दयानंद देसाई ,गटशिक्षणाधिकारी समरजीत पाटील संचालक सरदार पाटील ,उत्तमराव वरुटे ,बाजीराव शेलार ,अनिश पाटील ,बळवंत पाटील ,राहुल खाडे,विलास पाटील , यशवंत बँकेचे व्हा.चेअरमन हिंदुराव तोडकर सरपंच अश्विनी पाटील शिक्षण संस्थेचे अध्यक्ष केरबा माने सचिव शिवाजी तोडकर संचालक अशोक बिरंजे यांचे सह संस्थेचे सर्व संचालक ,क्रीडा शिक्षक उपस्थित होते .उपस्थितांचे स्वागत व प्रास्ताविक कुंभीचे संचालक मुख्याध्यापक डॉ. बी बी पाटील यांनी केले.
पंच म्हणून पै.संभाजीराव वरुटे पै .संभाजी पाटील सर्जेराव पाटील रघुनाथ मोरे आनंदा खराडे विलास पाटील तानाजी पाटील सिकंदर कांबळे प्रकाश पाटील बळीराम पाटील यांनी काम पाहिले .स्पर्धेचे संयोजन एन आय एस कुस्ती कोच पै कृष्णात पाटील व साताप्पा पाटील यांनी केले .निवेदन राजाराम चौगले (खेबवडे) यांनी केले .
