कोल्हापूर (प्रतिनिधी) राज्यातील विनाअनुदानित अभियांत्रिकी महाविद्यालय संघटनेच्या राज्य सरचिटणीसपदी डॉ.डी. वाय. पाटील ग्रुपचे कार्यकारी संचालक डॉ. ए. के. गुप्ता यांची बिनविरोध निवड झाली. नाशिकच्या के. के. वाघ शिक्षण संस्थेचे अध्यक्ष समीर वाघ यांची डॉ. ए. के. गुप्ता अध्यक्षपदी निवड झाली. संघटनेच्या केंद्रीय समिती विश्वस्तांची निवड प्रक्रिया झाली.
अभियांत्रिकी महाविद्यालयांची स्थापना, प्रशासनाचा प्रदीर्घ अनुभव असलेल्या डॉ. गुप्ता यांनी विनाअनुदानित महाविद्यालयांचे प्रश्न सोडविण्यासाठी विशेष प्रयत्न केले आहेत. २००३ मध्ये या संघटनेची स्थापना झाली असून, राज्यातील २४९ महाविद्यालये संघटनेचे सभासद आहेत. निवडीबद्दल डी. वाय. पाटील ग्रुपचे अध्यक्ष डॉ. संजय पाटील, उपाध्यक्ष सतेज पाटील, विश्वस्त ऋतुराज पाटील, विश्वस्त पृथ्वीराज पाटील यांनी अभिनंदन केले.
