पंढरपूर : सध्याच्या राजकीय परिस्थितीला लोकं कंटाळले आहेत. तुम्ही काय करता यापेक्षा शेतकऱ्यांना न्याय मिळाला पाहिजे आत्महत्या थांबल्या पाहिजेत. शैक्षणिक धोरण सुधारलं पाहिजे. मात्र सगळे पुढारी वेगवेगळे बोलत आहेत. असं म्हणत सत्ताधारी आणि विरोधकांवर छत्रपती संभाजी राजे यांनी निशाणा साधला.
यावेळी त्यांनी एका नेत्याला स्वराज्य पक्षात येण्याची ऑफर दिली. तुम्हाला आमदार करण्याची जबाबदारी आमची, असा विश्वासही त्यांना दिला. त्यामुळे ते खरचं स्वराज्य पक्षात येणार का, असा प्रश्न निर्माण झाला आहे. स्वराज्य पक्ष स्थापन केल्यापासून छत्रपती संभाजी राजे कामाला लागले आहेत. निवडणुका लढण्याचा निर्णय त्यांनी घेतला आहे. त्यामुळे चांगल्या उमेदवारांच्या शोधात ते आहेत.
कुठंही फिरत बसू नका तुम्हाला आमदार करण्याची जबाबदारी आमची. अभिजित पाटील यांना छत्रपती संभाजी राजे यांनी थेट स्वराज्य पक्षात येण्याची ऑफर दिली आहे. अभिजित पाटील हे शरद पवार यांच्या गाडीत बसण्यामुळे चर्चेत आले होते. तसेच इन्कम टॅक्सच्या रेडमुळेही त्यांच्या नावाची चर्चा झाली.
