कोल्हापूर : बाबरी मशीद पाडली त्यावेळी भारतीय जनता पक्षाचे नेते बिळात जाऊन बसले होते. भारतात बाबरी मशीद माझ्या शिवसैनिकानी पाडली असेल तर मला माझ्या शिवसैनिकाचा अभिमान आहे असे परखड व स्पष्ट मत शिवसेना प्रमुख बाळासाहेब ठाकरे यांनी मांडले.
त्यावेळी चंद्रकांत पाटील कोणत्या बिळात होते ते त्यांनी स्पष्ट करावे व शिवसेना प्रमुख बाळासाहेब ठाकरे यांचा अवमान केल्याबद्दल चंद्रकांत पाटील यांनी राजीनामा द्यावा. अशी मागणी करत करवीर शिवसेनेच्या वतीने उंचगाव मुख्य प्रवेशद्वाराजवळ छत्रपती शिवाजी महाराज चौकात चंद्रकांत पाटील यांच्या विरोधात तीव्र निदर्शने करण्यात आले. यावेळी शिवसैनिकांनी “चले जाव चले जाव’ चंद्रकांत पाटील चले जाव” या घोषणांनी परिसर दणाणून सोडला. तसेच हिंदुहृदयसम्राट बाळासाहेब ठाकरे यांचा जयघोष करण्यात आला. यावेळी बोलताना करवीर तालुका प्रमुख राजू यादव म्हणाले, बाळासाहेब हे आमचे दैवत आहेत. त्यांचा जर कोणी अपमान करत असेल तर तो सहन केला जाणार नाही. अशा लोकांना शिवसेना स्टाइल ने उत्तर देऊ असा इशाराही त्यांनी यावेळी दिला.
यावेळी पोपट दांगट व दीपक रेडेकर यांनी आपली मनोगते व्यक्त केली. यावेळी करवीर तालुका प्रमुख राजू यादव, उपजिल्हाप्रमुख पोपट दांगट,उपतालुकप्रमुख दीपक पाटील, गावप्रमुख दीपक रेडेकर, उपसरपंच विराग करी,हिंदुत्ववादी शरद माळी, ग्रा.पं.सदस्य अरविंद शिंदे, वैभव पाटील,कैलास जाधव, युवासेनेचे सागर पाटील, संतोष चौगुले, बंडू घोरपडे, सचिन नागटीळक, योगेश लोहार,लालू चौगुले, सचिन पोवार, अजित चव्हाण, बाबुराव पाटील, इमाम पठाण, आकाश आवळे, उत्तम घोडके, प्रतीक घोलपे, शौफिक, दीपक पोपटाणी, दीपक धिंग, दीपक पोपटाणी आदी उपस्थित होते.
