मरावती : पेटलेल्या चुलीवर गरम तवा. आणि त्यावर बसलेला एक बाबा. भक्तांना शिव्या हासडत असलेल्या या बाबांची एक चित्रफित सध्या समाजमाध्यमांवर चांगलीच प्रसारित झाली असून, हा बाबा अमरावती जिल्ह्यातील मार्डी येथील असल्याची माहिती समोर आली आहे.
गरम तव्यावर बसलेल्या या बाबाचे नाव संत गुरूदास महाराज असे असून मार्डी येथे या बाबाचा एक आश्रम आहे. समाज माध्यमांवर प्रसारित चित्रफित ही महाशिवरात्रीच्या कार्यक्रमातील आहे. आपण अंधश्रद्धा पसरवण्याचे काम करीत नाही, आपल्याला दैवी शक्ती प्राप्त होते, त्यावेळी आपल्याला भान राहत नाही. हा श्रद्धेचा भाग आहे. आपण साधू, संत नाही, असे या बाबाचे म्हणणे आहे.
