कागल : येथील श्री छत्रपती शाहू सहकारी साखर कारखान्यात (4 मार्च 11 मार्च) सुरक्षा सप्ताहास प्रारंभ झाला. कारखान्याचे कार्यकारी संचालक जे.ए.चव्हाण यांच्या हस्ते ध्वज पूजन व सुरक्षा ध्वजारोहण करून या सप्ताहाचा प्रारंभ झाला.
५२ व्या राष्ट्रीय सुरक्षितता सप्ताहाच्या निमित्ताने कारखाना प्रशासनाने आठवडाभर विविध स्पर्धा व कार्यक्रमाचे आयोजन केले आहे.यावेळी कार्यकारी संचालक जे.ए. चव्हाण म्हणाले,कर्मचाऱ्यांनी सुरक्षा सप्ताहपुरती आपल्या सुरक्षिततेची काळजी न घेता ती कायमस्वरूपी घ्यावी सुरक्षिततेचे नियम न पाळल्यामुळे होणाऱ्या दुर्घटनांमुळे कारखान्याचे व वैयक्तिक कर्मचाऱ्यांचेही नुकसान होते. हे टाळण्यासाठी सुरक्षिततेचे नियम सर्वांनी कायम पाळावेत. सेफ्टी ऑफिसर नितीन दरेकर यांनी सुरक्षिततेबाबत माहिती दिली.यावेळी सुरक्षा प्रतिज्ञा फलकाचे कार्यकारी संचालक जितेंद्र चव्हाण यांनी अनावरण केले.
सुरक्षा शपथ वाचन आर.आर. पाटील यांनी केले. यावेळी कर्मचाऱ्यांना सेफ्टी बॅच वितरणही केले.कारखाना आवारात सुरक्षिततेबाबत जनजागृती पर बॅनर्स व पोस्टर्स लावली आहेत. स्वागत व प्रास्ताविक एच आर मॅनेजर बाजीराव पाटील यांनी केले.आभार चिफ इंजिनिअर बाळासाहेब बिरंजे यांनी मानले.
