नागपूर : आजपासून हिवाळी अधिवेशनाचा दुसरा आठवडा सुरु होत असून दिशा सालियन प्रकरणावरून सत्ताधाऱ्यांनी शिवसेना नेते आदित्य ठाकरे यांना टार्गेट केले. त्यामुळे उद्धव ठाकरेंसह त्यांची संपूर्ण सेना आदित्य ठाकरेंच्या समर्थनार्थ नागपुरात पोचली आहे.
दिशा सालियन प्रकरणातील AU या नावावरून सत्ताधाऱ्यांनी आदित्य ठाकरेंना लक्ष्य केलं आहे. त्यामुळे सत्ताधारी पक्षाला प्रत्युत्तर देण्यासाठी ठाकरे गटानेही रणनीती आखली आहे. त्याचाच भाग म्हणजे आज संपूर्ण ठाकरे सेना नागपुरात दाखल झाली आहे .शिवसेना खासदार संजय राऊत यांनी सरकारला इशारा देत उद्या आपण नागपुरात मोठा बॉम्ब फोडणार आहे असं म्हंटल होत.
अली बाबा चाळीस चोर फेब्रुवारीनंतर दिसणार नाही असा पुनुरुच्चर सुद्धा त्यांनी केला होता. ज्या कोठडीत मी होतो. त्यात तुम्हाला टाकणार. तुमच्या फायली तयार आहेत असा इशाराही त्यांनी दिला होता. त्यामुळे संजय राऊत नेमका काय गौप्यस्फोट करणार याकडे संपूर्ण महाराष्ट्राचे लक्ष्य आहे.
