कागल (प्रतिनिधी) : येथील श्री छत्रपती शाहू सहकारी साखर कारखान्याचे संस्थापक चेअरमन स्व. राजे विक्रमसिंह घाटगे यांच्या सातव्या स्मृतिदिनानिमित्त शाहू साखर कारखाना कार्यस्थळावर त्यांना अभिवादन करण्यात आले.
कारखाना प्रांगणातील त्यांच्या पुतळ्यास कारखान्याच्या अध्यक्षा व शाहू ग्रुपच्या मार्गदर्शिका श्रीमती सुहासिनीदेवी घाटगे व शाहू ग्रुपचे अध्यक्ष समरजितसिंह घाटगे, राजमाता जिजाऊ महिला समितीच्या कार्याध्यक्षा सौ. नवोदिता घाटगे यांच्या हस्ते पुष्पहार अर्पण करून अभिवादन केले. कारखाना प्रांगणातील राजर्षि छत्रपती शाहू महाराज यांच्या पुतळ्यासही पुष्पहार अर्पण केला. दरम्यान, कागलवाडी येथील स्व.घाटगे यांच्या समाधीस्थळी पुष्पहार अर्पण करून घाटगे परिवारातील सदस्यांनी अभिवादन केले. यावेळी कारखान्याचे उपाध्यक्ष अमरसिंह घोरपडे, ज्येष्ठ संचालक व कर्नाटकचे माजी ऊर्जा राज्यमंत्री वीरकुमार पाटील, सर्व संचालक ,बिद्रीचे संचालक बाबासाहेब पाटील,कार्यकारी संचालक जितेंद्र चव्हाण राजे बँकेचे चेअरमन एम. पी .पाटील,व्हाईस चेअरमन नंदकुमार माळकर, शाहू कृषी संघाचे चेअरमन अनंत फर्नांडिस, व्हाईस चेअरमन अरुण शिंत्रे,शाहू ग्रुप मधील विविध संस्थांचे पदाधिकारी ,सभासद,शेतकरी,कार्यकर्ते, कर्मचारी उपस्थित होते.
