सरूड : शाहूवाडी तालुक्यातील खुटाळवाडी ते भाडळेखिंडीच्या दरम्यान अज्ञात वाहनाच्या धडकेत मोटरसायकलवरील तरुण जागीच ठार झाला. शैलेश जयवंत बेंडखळे (वय ३५, रा. कडवे, ता. शाहुवाडी) असे ठार झालेल्याचे नाव आहे.
याबाबत अधिक माहिती अशी, शैलेश बेंडखळे हा मोटरसायकलवरून कोल्हापूरकडे चालला होता. आज दुपारी एकच्या सुमारास खुटाळवाडी ते भाडळेखिंडीच्या दरम्यान असणाऱ्या अपंग पुनर्वसन केंद्राच्याजवळ अज्ञात वाहनाने त्याच्या मोटरसायकलला जोरदार धडक दिली. या अपघातात शैलेश जागीच ठार झाला. तर धडक देणारा वाहनचालकाने आपल्या वाहनांसह पलायन केले.
