गोकुळ कडून ८३ कोटीहून अधिक रक्कम दूध संस्‍थांच्‍या खात्‍यावर – चेअरमन विश्वास पाटील

कोल्हापूर : जिल्‍हा सहकारी दूध उत्पादक संघाकडून (गोकुळ) यावर्षीही म्‍हैस व गाय दूध दरफरकापोटी ८३ कोटी ८१ लाख ५० हजार रुपये इतकी रक्‍कम प्राथमिक दूध संस्‍थांच्‍या खात्‍यावर १४ ऑक्टोबर २०२१ रोजी जमा करणार असल्‍याची माहीती गोकुळचे चेअरमन विश्वास नारायण पाटील यांनी दिली.

संघामार्फत प्रतिवर्षी दिवाळीस दूध दरफरक दिला जातो. त्‍याप्रमाणे यावर्षी संघाने म्‍हैस दुधाकरीता ४९ कोटी ५३ लाख २ हजार रुपये तर गाय दुधाकरीता २१ कोटी ५० लाख १८ हजार रुपये इतका दूध दरफरक व त्‍यावरील ६ टक्के प्रमाणे होणारे व्‍याज २ कोटी ८६ लाख ७४ हजार रुपये व डिबेंचर्स व्‍याज ६.५० टक्के प्रमाणे ४ कोटी ५७ लाख ८९ हजार रुपये व शेअर्स भांडवलवर ११ टक्के प्रमाणे डिव्हीडंड ५ कोटी ३३ लाख ६५ हजार रुपये असे एकूण ८३ कोटी ८१ लाख ५० हजार रुपये इतकी रक्‍कम दूध बिलातून दूध संस्‍थांच्‍या खात्‍यावर बँकेत जमा केली जाणार आहे.

ग्रामविकासमंत्री हसन मुश्रीफ, पालकमंत्री सतेज पाटील यांचे मार्गदर्शन व सभासद दूध संस्‍था तसेच दूध उत्‍पादक यांच्‍या सहकार्यामुळे ‘गोकुळ’ची यशस्‍वी वाटचाल सुरू ठेवू शकलो आहोत. याहीपुढे ती आम्‍ही चालू ठेवू याकरिता दूध संस्‍था व उत्‍पादकांचे सहकार्य मोलाचे असल्‍याचे सांगितले.चेअरमन पाटील म्हणाले मागील वर्षाच्‍या महापुरामुळे शेतकरी अडचणीत आलेला होता. तसेच सगळीकडे कोरोना संसर्गाच्‍या प्रादुर्भावामुळे सर्व उद्योगधंदे व शेतीपूरक व्यवसाय अडचणीत असताना गोकुळ दूध संघाने खर्चात काटकसर करुन वर्षभर राज्‍यातील इतर संघांच्‍या तुलनेत जास्‍त दूध दर दिलेला आहे.’

गोकुळमार्फत दूध उत्पादकांच्या आर्थिक प्रगतीसाठी विविध योजना व विकास प्रकल्प.दूध उत्पादकांना जास्तीत जास्त दूध दर देण्यासाठी संचालक मंडळ कटिबद्ध असून संघामार्फत प्रतिवर्षी दिवाळीस दूध दरफरक दिला जातो.म्‍हैस दुधाकरीता ४९ कोटी ५३ लाख २ हजार रुपये. तर गाय दुधासाठी २१ कोटी ५० लाख १८ हजार इतका दूध दरफरक असल्याचे पाटील यांनी सांगितले.

Leave a Reply

Your email address will not be published. Required fields are marked *